原來呢一種瓜可以去汗漬！

【師傅太太生活小貼士】原來呢一種瓜可以去汗漬💦！

天時暑熱☀，出親街都大汗叠細汗，啲衫除咗有汗味仲有汗漬🙊！師傅太太💁🏻知道白醋可以去汗味，但原來有一種瓜，係可以用嚟洗走汗漬！

到底係咩瓜？唔係傻瓜，答案就係冬瓜喇！

跟住以下方法，白雪雪恤衫衣領無難道：

1. 先將冬瓜去皮 2. 將冬瓜剁成粒狀🔪，放入紗布整成球狀 3. 將冬瓜汁揸出再滴喺有汗漬嘅地方，一定要整到全濕☝🏼

4. 放15分鐘後⏰，用清水沖洗再放落洗衣機洗乾淨

完成！💯

要徹底去汗漬，唔好做傻瓜一味靠大力係咁摔件衫！用冬瓜就得喇！